Sinantolan ken ensalada a wombok

Ni BRENDA S. DACPANO
www.nordis.net

Sinursorko ti Session Road kas ti sigud nga ar-aramidek iti panawen ti pestebal a Panagbenga iti Siudad ti Baguio tapno agbirok kadagiti taraon a lokal a produkto ti probinsia, ili wenno siudad ngem awan ti nabirokak a naisangsangayan a saan ko pay a nakita. Tinawen, kada Panagbenga ket maiserra ti Session Road kadagiti transportasion tapno pagipatakderan kadagiti stalls/puesto a paglakuan.

Ensalada a wombok ken sinantolan

Nupay nakissayan dagiti puesto ti swamarma, footlong a hotdog sandwich ken burger, adu latta dagitoy a sigud a makitkita tunggal Panagbenga. Awan met ketdi ti dakesna ta adu met ti aggatang ngem awan met ti nagdumaannan iti tiangge idiay Burnham wenno iti night market malaksid nga ukay iti night market ken iti met Session Road ken Burnham tiangge wenno Market Encounter ti awag idi ket ready-to-wear a luplupot a naggapun sa iti Divisoria. Naariwawa pay ketdi ti sumagmamano a puesto gapu ta adda dagiti nairekord a mamin-anu a ribu a pukkawda kadagiti kustomer a maipatukar iti mp3 player.  Sumagmamano laeng dagiti puesto a makita ti kultura ti Baguio wenno dadduma pay nga ili wenno probinsia nga immallatiw ditoy tapno i-promoteda dagiti produktoda.

Ngem adda maysa a puesto a nakagatangak iti santol a buro a naggapu iti Naga City. Nakaramanakon ti ginettaan a buro a santol ken napadasko metten ti nagaramid iti kastoy ngem gapu ta naperdi ti food processor-ko saanak a nakaaramid idi panagsasantol.

Ramen ti sinantolan (liempo, buro a santol, getta ti niog, sibuyas, bawang ken sili).

Addan naaramid ko a resipe ti sinantol wenno sinantolan a naipablaak iti diario ken naiposte ditoy website ti Nordis. Mabalinyo a tuladen ti resipe nga adda iti website. Ngem daytoy inaramid ko itatta ket sabali gapu ta ready-made ti inusarko a buro a santol ken naapgad ti timplana. Isu a nagnayonak iti getta ti niog tapno sumam-it bassit ket mabalanse ti ramanna. Ingisak daytoy iti sibuyas, bawang, liempo ken sili a berde. Ti dua a pakete a buro a santol ket inlutok iti getta ti dua a niog. Nailuto daytoy aginggana naatianan ken nagmantika. Daytoy ti inusarko a dressing ti ensalada a wombok ken bulong ti sibuyas.# nordis.net

Share
« «  Women’s theology   |   The Great Wall  » »

Leave a Reply

This site uses Akismet to reduce spam. Learn how your comment data is processed.