Currently browsing category

makan, Page 4

cooking, food, recipes

Makan a la Pinoy: Adobo a baboy

Nalaka laeng ti panagluto ti adobo ngem nadumaduma a wagas ti mabalin a pamay-an manipud iti simple agingga iti nagarbo. Suka, asin/soy sauce, bawang ken paminta ti kangrunaan a ramen daytoy ngem mabalin ti agnayon ti dadduma pay nga spices tapno agbalin a bukodyo a signature adobo dish.

Makan a la Pinoy: Kikiam

Popular nga street food ti kikiam ditoy Pilipinas nangruna kadagiti sentro ken siudad ta adu dagiti agsursursor nga agilaklako iti kikiam, fish balls ken kapadana a saramsam a tinudok.

Makan a la Pinoy: Basi Revolt

Ti basi (bá.si) ket arak nga aramid dagiti Ilokano manipud iti bennal (sugarcane juice) ti unas. Mailambong daytoy kakuyog ti lomboy wenno aniaman a mailaok a prutas wenno ubbak/ukis ti kayo a pampabanglo ken tapno agmaris kayumanggi, malaokan iti bubod ken mayadi iti burnay. Kadawyan maikali ti burnay iti daga nga apag-tangwa ti ngarab ken kalubna.

Makan a la Pinoy: Spicy tofu

Ad’toy man ti maysa a luto ti tofu a modipikasion iti gagangay a pinirito a tofu nga insawsaw iti soy sauce. Maiprito met laeng ti tofu sakbay a mailambong iti nagasang a sarsa.

Makan a la Pinoy: Chicken Afritada

Ti chicken afritada ket maysa kadagiti popular a luto a Pilipino. Nainnayad a maiyanger iti tomato sauce, tomato paste wenno fresko a kamatis aginggana napalet ti digo wenno sarsana.

Makan a la Pinoy: Biko

Ti biko wenno inkiwar/linatikan ket kankanen a diket a kadawyan a maisagsagana kadagiti panagkasangay. Nalaokan ti getta ti niog ket ladek.

Makan a la Pinoy: Binakle

Ti binakle ket kankanen a suman iti Ifugao a binayo a diket a “dayakkot” a malaokan ti lengnga ken mabalkot iti bulong ti saba.

Makan a la Pinoy: Chives

Chives – kutsay, mula a kabagyan ti bawang, sibuyas, leek ngem mabalin met a panganan. Ditoy Baguio, adda ti nabiit pay a naglukat a panganan a Chives Bistro Café, nga agiserserbi iti Asian-Western cuisine idiay Camp 8, Kennon Road. Bassit, informal ti setting-na ken simple. Napanak ditoy kaduak ti foodie buddy-hubby para iti Father’s Day dinner ket saankami met a napaay ta naimas dagiti taraon.

Makan a la Pinoy: Chunky guacamole

Pinadasmi ken ni lakay ti nangan idiay Majic Oven Café and Restaurant/Bakeshop idiay 2nd Road iti Quezon Hill, Baguio City. Specialty-da ti Italian cuisine kas ti pasta ken pizza. Ngem adda kabilang met iti menu ti vegetarian burger ken nadumaduma a vegetable salad.