Currently browsing category

Ilocos

events in the Ilocos

Terrorist list ti DOJ, kinondenar dagiti mannalon

CANDON CITY, Ilocos Sur — Kinundenar ti Solidarity of Peasants Against Exploitation (Stop Exploitation) ken dadduma pay nga organisasyon ti mannalon ti panangiraman ti administrasyon a Duterte iti maysa nga aktibista ti Ilocos iti listaan dagiti terorista. Nainaganan ni Sherwin De Vera, Regional Coordinator ti Ilocos Network for the Environment (Defend Ilocos) iti impila ti Department of Justice a petisyon tapno maideklara a terorista a grupo ti Communist Party of the Philippines ken ti New People’s Army.

Panagtipon dagiti lider ti Defend Ilocos, naangay

VIGAN CITY — Naaramid ti miting dagiti lider ti Ilocos Network for the Environment (Defend Ilocos) idi Abril 10 iti St. Benedict Institute ti Benedictine Sisters of the Eucharistic King of St. Benedict Priory idiay Pantay Fatima, Vigan City. Timmabuno iti aktibidad dagiti mangibagbagi ti nadumaduma a kameng nga organisasyon ken institusyon ti grupo.

Ti mani ken ti dangadang dagiti mannalon ti Ilocos Sur (4/4)

Iti panangiserra ni Antonino Pugyao iti tinaray ti tungtongan, kinunana a dakkel a balligi dagiti mannalon ti tungtongan. Impaganetgetna a dagiti nagun-odda a balligi ket resulta ti nairut a panagkaykaysa ken kinasaganada nga agtignay. Ngem impalagipna nga umuna pay laeng nga addang ti nagun-odda.

Diaries From The Field: Mauway

Kalpasan ti mano oras a byahe ken pinnagna, nadanon ko ti nabati iti dati a balay ni Felix Agtang iti Mauway, Barangay Cabangaran, Vintar, Ilocos Norte. Maysa isuna kadagiti taga-Mauway a nagresidenten iti Isic-Isic sipud pay idi 1990s. Ginagarak ti barangay idi Abril 7, 2018 tapno danunen ken kakonsulta dagiti padak a biktima ti martial law ti diktador a ni Ferdinand Marcos.

Daranudor Ti Ilocandia: Sino ti agbenbenepisyo iti tabako?

Ti tabako, kas maimulmula ken kas sibubukel nga industriya ket addaan ti napateg nga kaipapanan iti pakaistoryaan, ekonomiya ken politika ti Ilocos. Ngem sino kadi ti pudno nga agnumnumar iti daytoy nga industriya – manipud iti panangpatanor ti tabako, iti linakoan ti bulong ken sigarilyo, ken iti panagbuwis?

Peggad manipud ti naisadsad a barko, agtultuloy

CANDON, Ilocos Sur — Agtultuloy ti peligro nga ipapaay ti dua a barko a naisadsad iti kadilian ti Barangay Gabao, Santiago nasurok lima a bulan kalpasan ti pasamak. Ti panagdanag ket imbingay ni Jaime Escalona, maysa a mangngalap ken agnaed iti lugar.

Diaries From The Field: Bamboolance

No addaka iti syudad ket kasapulan a dagus a maitaray iti ospital ti pasyente, adda mabalin a mausar kas ti ambulansya, iti english “Ambulance.”

Ilocandia Rumblings: Daranudor ti Ilocandia

Literary should be about the human condition. A mirror of society. Do not just talk about your pains and sadness, you should extend this to the pains and sadness of the people around you.

Ti mani ken ti dangadang dagiti mannalon ti Ilocos Sur (2/4)

MAIKADUA A PASET
Basar iti attendance sheet, adda ti 71 nga indibidwal manipud iti 31 a barangay ti Sta. Lucia idi mangrugi ti dayalogo. Iti pannakipatangmi kenni Manong Romy Rabang, kunana a lima ti komersyante nga adda iti daydiay a kanito ngem awan ni Eduardo Galanto, kadakkelan a komersyante ti mani ken kapitan ti maysa a barangay ti nasao nga ili.

Diaries From The Field: Basuram, iyawidmo

Idi napankami nagpasiar idiay Hundred Islands, apaman a simmangpetkami iti Lucap Wharf iti Barangay Lucap, Alaminos City, kasapulan nga agrehistro iti opisina ti Hundred Islands National Park (HINP). Nagbayad kami ti environmental ken entrance fee, ken nagdeposito ti P200 para iti dua supot a pagikkan ti basura.

Ti mani ken ti dangadang dagiti mannalon ti Ilocos Sur (1/4)

Dandanni pangaldaw ti Marso 18 idi sumangpet kami iti balay ni Manong Romy Rabang, punong barangay ti Conconig East, Sta. Lucia iti Ilocos Sur ken lider ti Sta. Lucia Peanut Growers Association (SPGA). Panggepmi nga idokumento ti maiyaramid a dayalogo iti baet dagiti mannalon ti mani ken dagiti komersyante.