Ni RENDA SUBIDO-DACPANO
www.nordis.net

Photo by Brenda S. Dacpano

Ti refrigerator cake ket maysa kadagiti nalaka nga aramiden a mabalin nga idasar iti paskua ken iti baro a tawen.‭ ‬Saanen a kasapulan ti oven ngem masapul nga ikabil iti refrigerator wenno cooler tapno maporma a cake.

Ramen:

2‭ ‬a pakete wenno‭ ‬36‭ ‬pidaso a graham crackers

4‭ ‬a pakete/lata nga all-purpose cream

1‭ ‬lata a gatas kondensada

1‭ ‬lata‭ (‬480g‭) ‬peaches wenno fruit cocktail

Preparasyon:

1.‭ ‬Iti dakkel a mixing bowl,‭ ‬paglaoken ti gatas kondensada ken all-purpose cream.

2.‭ ‬Paik-ikan ti fruit‭ ‬cocktail wenno peaches.‭ ‬No agusar ti peaches,‭ ‬iwaen iti naingpis.

3.‭ ‬Iti molding pan wenno container,‭ ‬iplastar ti maysa a layer a graham crackers santo bukbokan ti mixture a gatas ken all-purpose cream iti apaglipos dagiti crackers.‭ ‬ Isaruno nga ikabil ti maysa‭ ‬a‭ ‬layer a peaches wenno fruit cocktail.‭ ‬Uliten daytoy aginggana maikabil amin a crackers ken prutas ngem ti akin-rabaw ket peaches.

4.‭ ‬Ikabil iti refrigerator‭ ‬(saan nga‭ ‬iti freezer‭)‬ iti dua nga oras wenno agpatnag.‭ ‬#‭ ‬makan.nordis@gmail.com