Ni ED BRITOS
www.nordis.net

Ti subalitna…ay kastoy
agparadada a, makipinpinnayapay, umisem ken
kampay idi dida napudotan ken natuduan
uray nagintatayag da latta.nasam-it latta met ti isemda
ngem awanen dagiti unnoy ken waragawag ti pakaasida
aglagto da pay koman iti uneg ti trak
ket iyikkisda ti dir-i… kukuami, kukuami…

Ti subalitna,,,ay piman met kadi a
nakadungsa a rikna ken agtedtedted dagiti lua
ti ling-et ken banang-es, ti say-a, ti wingiwing
agkuskusilap dagiti tsinelas, bado, ken gamigam
nga inkaskasabada ngem
nagkamtud aya ti bulsa
ket ti subalitna
ipampanesanda ita
ti ladingit
ti pannakadaleb
ti arapaapda… kukuayon… kukuayon….

Ti subalitna..
ti rupa
ti kalleppas a balubal, awan kalub,
awan kam pay idi nasugpet nga isem
agpipinnayapayda
agngarngariet
umirut manen
ti ubbog
ti langen
dagiti naitag-ay
ken naigalis
ti subalitna
sagabaen manen
dagiti agrusing
a kaputotan
ti sirkulo
ti pakasaritaan.# nordis.net