DAGITI KAGAT TI INSEKTO

Adu dagiti klase ti insekto nga agkagat ti tao. Ti dadduma a tattao ket maaddaan ti sakit gapu iti kagat aglalo iti silud ti uyokan ken alimbubuyog.

Dagiti sinyal ken sintoma iti allergic reaction
1. Naut-ot unay ken lumteg ti aglawlaw iti paset ti nakagat/nasilud
2. Al-alidukduken ken agsarwa
3. Pannakaulaw
4. Marigatan nga umanges
5.Ti kudil ket lumabaga, adda rashes nga aggagatel

Ania ti aramiden
1. No ti nakagat ket ramramay wenno saksaka, galutan ti saka/ramay a ngatuen ti nakagat.
2. No adda yelo, mangbalkot ken ibungon iti aglawlaw ti nakagat a paset.
3. Agsapul a dagus iti tulong medikal.

Allergic shock

Adda dagiti dadduma a tattao nga agsakit kalpasan iti pannakaineksyon da iti agas a kas ti penicillin, streptomycin wenno ti pangkontra tetano. Mabalin a ti kagat ti insekto ti gapuanan daytoy.

Dagiti sinyales ken sintomas
1. Marigatan ken kasala agsagsagawisiw a panaganges
2. Pananglabaga iti rupa
3. Panagsakit ti ulo
4. Lumteg ti kudil
5. Dagiti sinyal ti shock
6. Pannakaawan ti puot

Panangagas
1. Ineksyunan ti epinephrine 0.4 agingga 1 mililitro iti uneg ti taba (subcutaneously). No kasapulan, ineksyunan pay kalpasan iti 5 agingga 10 a minuto.
2. Pagiddaen ti pasiente a nakangato ti sakana.
3. Pagtalinaeden nga awan ti nakasullat iti pagnaan ti angin/pagangsan.
4. Ineksyunan ti diphenhydramine iti uneg ti lasag.
5. Ikkan a dagus ti suero no adda.

Pananglapped

Agannad kadagiti ag-agas. Saan nga agusar kadagiti napeggad nga agas malaksid no kasapulan unay.

Agannad iti panangited ti agas iti pasiente nga adda angkit na wenno adda allergies na. No mabalin saludsuden nga umuna ti pasiente no napadas nan ti nagtomar kadagiti agas a panggep nga ited. No ti agas ket makaigapu iti panaggagatel wenno dadduma pay iti napalabas, saan nga ited ti agas wenno aniaman nga agas a kapada na.

Ti peggad ti allergic reaction ket ad-adda kadagiti addaan padas iti daytoy nga agas.

Dagiti tattao nga ammon a nalaka a masaktan (sensitive) iti kagat ti insekto adda koma a kanayon ti nakasagana a dua nga ampule ti epinephrine wenno promethazine. Kalpasan ti pannakaineksyon ti aniaman nga agas, saan a panawan ti pasiente iti uneg ti 30 minuto. Kitaen dagiti naibaga a sinyal no adda. #

This regular section translates into “Our Health, Our Lives” and will feature informative but practical material on simple medical remedies, first aid, and other health tips. The main source of the materials is Ti Salun-at Tayo, Ti Biag Tayo (Iloco edition), a manual for community health workers published by the NCCP in 1985.