Natukkol a paragpag

Ti natukkol a paragpag ket saan a kadawyan a makatudok iti bara. No aguyek ti tao nga addaan dara a rumuar wenno marigatan nga aganges mabalin a nadangran ti bara na. Ipakita a dagus iti mangngagas.

Natukkol a tulang ti tengnged ken duri

Ti natukkol a tulang ti tengnged wenno likud ket isu ti kapeggadan a klase ti tukkol (fracture). Ti spinal cord ket adda iti uneg ti kanal ti duri a bukbuklen ti tulang iti tengnged ken duri.

Nupay ti mismo a tukkol ket saan a makadangran wenno saan a napeggad, agresulta daytoy ti pannakadangran no ti natukkol a tulang ket mangsugat iti spinal cord. Ti pannakatalmeg wenno pannakaipit ti cord ket mabalin nga ipatay.

Mabalin a natukkol ti tulang ti tengnged ken duri no adda dagitoy sumaganad a kasasaad:

1. Natinnag wenno naaksidente iti lugan iti napalabas.
2. Napalalo a sakit iti tengnged wenno duri/paset ti bukot.
3. Saan a magunay wenno marigatan nga igaraw dagiti takiag ken gurong
4. Panagkakapsut, panagpipikel dagiti takiag ken gurong

Nasken a naannad iti panangtaripato ken panangiyakar iti maatap a natukkolan ti tengnged wenno duri. Saan nga iyakar ti nadangran a tao aginggana adda sumangpet a tulong medikal.#