Ni RAQUEL PUL-OCAN
www.nordis.net

BAUKO, Mt. Province — Immabot 55 a babbai agraman ti walo a lallaki ti dimmar-ay iti maysa nga oryentasyon ti Kababaihan nga insayangkat ti Alyansa Dagiti Pesante iti Taeng Kordilyera-Montanyosa Chapter (APIT-Mon) idiay Barangay Tapapan iti nasao a munisipalidad idi Hulyo 10, 2012.

Ti aktibidad ket naballigi a naipatungpal iti panakitin-nulong dagiti Barangay Health Workers ken mangidadaulo kadagiti babbai ti lugar.

Ditoy nga naadal dagiti kababaihan ti dipenasyon ti Human Rights a nakapaunegan dagiti linteg para kadagiti babbai kas iti (CEDAW) Convention for the Elimination and Discrimination Against Women kas linteg nga mang protektar kadagiti babbai ken ti United Nations Declaration on the Rights of Indigenous Peoples (UNDRIP), linteg para kadagiti nainsigudan nga umili a paka-ibilangan dagiti nainsigudan a babbai a bulnerable iti naduma-duma a purma ti panag abuso. Oryentasyon ti Kababaihan nagballigi nga naisayangkat.

Ti oryentasyon ket pag-rugian dagiti inna a mang-adal kadagiti pagpigsaan da a tumulong iti asawa da a lallaki para iti pamilya ken iti nalawlawa pay a saklaw. Kuna ni Annie Paculan, Human Rights Officer ti kababaihan ken maysa kadagiti representatibo iti International Women’s Celebration idi March 15,2012 idiay Bangaan,Sagada, Mountain Province, “Saan nga basol ti panag-innadal. Karben-gan ti tunggal maysa nga mang adal kadagiti karbengan pang tao tapnu usaren nga mang depensa iti pagsayaatan ti kaaduan karkaro dagiti maidad-dadanes a pakaibilangan dagiti nainsigudan a babbai, saan a para iti bukod a pagsayaatan laeng.”

Karit kadagiti kababaihan nga makipaset kadagiti innadal nga isaysayangkat ti naduma-duma nga ahensya ti gobyerno ken dagiti NGO wennu progresibo nga organisasyon para iti panang-padur-as iti pigsa ken laeng. Kuna dagiti dimmar-ay a ti panag organisa iti kababaihan ket dakkel ti tulong na iti uneg ti komunidad ken iti pagilian agsipud ta addaan da iti pigsa nga mang idaulo iti maysa nga organisasyon wenno ili. # nordis.net