MAKAN A LA PINOY | Lumpia a Shanghai

Ni BRENDA S. DACPANO
www.nordis.net

Naggapu iti China ti lumpia a Shanghai. Ti sao a lumpia ket naggapu iti Hokkien (Chinese) a lunpia. Maibalkot iti lumpia wrapper ti giniling a karne (manok, baboy, baka, pasayan). No dadduma ket malaokan iti ginadgad a carrots ken/wenno tinadtad a bulong ti wansoy (cilantro).

LUMPIA A SHANGHAI. Lumpia a karne ti baboy a naisaganan a maiprito.

Ramen:

½ kilo giniling a karne’t baboy
1 bassit a carrot, ginadgad iti pino
1 sibuyas, ginadgad
¼ tasa ginadgad a keso
2 kutsara oyster sauce (optional)
asin ken paminta a pangtimpla
25 pidaso medium lumpia wrapper
1-2 tasa mantika

Panangisagana:

  1. Paglaoken dagiti ramen a karne ti baboy, carrot, sibuyas, keso, oyster sauce (no agusar), asin ken paminta. Kiwaren a naimbag tapno maigamer ti raman dagiti rekado.
  2. Mangiprito iti bassit a pangramanan no huston ti ramanna. Nayonan ti timplana no kasapulan.
  3. Balkuten iti lumpia wrapper ti sangakutsara a mixture ti karne. Irolio a kasla ramay ti pormana. Uliten daytoy agingga mabalkot amin a mixture.
  4. Iti pariok, ipapudot ti mantika iti kalalainganna a pudot. Iprito ti lumpia agingga golden brown.
  5. Idasar a napudot a kakuyog ti sawsawan a ketchap, sweet-sour sauce wenno suka nga Iloco a nalaokan iti tinadtad a lasona ken natimplaan iti asin ken asukar.# nordis.net
Share

Leave a Reply