MAKAN ALA PINOY | Herbed chicken fillet

Ni BRENDA S. DACPANO
www.nordis.net

Pan-fried chicken fillet with mint served with turmeric rice and lettuce-mongo sprout salad

Daytoy ti kabiitan ken kasimplean a luto ti manok. Mabalin met nga aramiden daytoy iti naiw-iwa wenno sliced tuna ken dadduma pay a fillet karne, ikan wenno lames.

Ramen:

barukong ti manok
bulbulong ti mint
2 ngipen a bawang
tubbog ti 2 kalamansi
asin ken paminta a pangtimpla
mantika

Panangisagana:

  1. Ikkaten dagiti tulang ti barukong ti manok. Iwaen iti naingpis a kasla tapa.
  2. Iwaen iti naingpis dagiti bulong ti mint.
  3. Ukisan ken tadtaden dagiti bawang.
  4. Timplaan ti manok iti asin, paminta, bawang ken mint. Perresan iti kalamansi. Bay-an a mauper iti 20 minutos sakbay nga iluto.
  5. Ipapudot ti non-stick pan wenno napuskol a pariok. Patedtedan iti bassit a mantika. Papudoten iti kalalainganna.
  6. Ikabil ti natimplaan a manok iti non-stick pan. Iluto iti lima minutos iti agsumbangir wenno agingga ag-brown bassit ti rabawna.
  7. Idasar a napudot.# nordis.net
Share

Leave a Reply