Makan ala Pinoy: Pinaksiw nga Aba

Ni BRENDA S. DACPANO
www.nordis.net

Adda dagiti sumagmamano kapuon a mulak nga aba iti masitera a padpadakkelek idiay terasa. Ngem idi immay ti Ompong ket naiwalla-wallages, piman, ket natiritiritirda. Gapu ta kasualti iti bagio, ninatengkon dagiti aba ken pinawirwirak iti angin tapno saan a malungtot.

PAKSIW NGA ABA

Naimas ti aba nga ipaksiw a kas iti ipapaksiw a daludal. Ngem gapu ta saan pay a nataengan sakbay a naapit, bassit laeng ti nagbalinanna isu a linaokak ti pallang.

Ramen:
½ kilo aba
pallang (optional)
1 tangan a laya, pinitpit
1 sibuyas
sili (optional)
¼ tasa suka
4 kutsara bugguong

Panangisagana:
1. Dalusan ken puteden iti agarup 3 pulgada ti ungkay ti aba. Ilaok pati ti bulong.
2. Iti banga wenno kaserola, ipisok amin a ramen. Nayunan iti bassit a danum.
3. Iluto iti 30 minutos wenno agingga agmaga bassit. # nordis.net

Share

Leave a Reply