Makan a la Pinoy: Piña-Zucchini Carpaccio

Ni BRENDA S. DACPANO
www.nordis.net

Saanen a kasapulan a lutuen daytoy a pampaganas a mangan wenno appetizer, carpaccio iti Italian. Karne wenno lames ti kadawyan a maaramid nga appetizer ngem mabalin met a natnateng wenno kas daytoy kumbinasion ti prutas ken nateng.

Pineapple-zucchini carpaccio. Photo by Brenda S. Dacpano

Ramen:

1 piña, naluom
1 zucchini
50 gramo obas, blueberries wenno strawberries
1 tasa mint
2 kutsara extra virgin olive oil
asin ken paminta a pangtimpla

Panangisagana:

1. Ukisan ken bugguan ti piña. Ikkaten dagiti matana ken guduaen a paatiddog. Ikkaten ti natangken a pasetna iti tengga. Iwaen iti naiingpis.

2. Iw-iwaen met iti naingpis ti zucchini.

3. Gudduaen dagiti obas wenno berries.

4. Imurian dagiti bulong ti mint. Isina dagiti naganus/uggot a pangarkos ken bayuen iti almiris ti kaguddua ti bulbulong agingga napino wenno puree. Patedtedan ti olive oil ken timplaan iti sangapirit nga asin ken paminta.

5. Iplastar dagiti naiw-iwa a prutas ken nateng iti bandehado. Patedtedan ti mint-olive oil puree ken parabawan ti uggot ti mint.# nordis.net

Share

Leave a Reply