Makan a la Pinoy: Crispy binartek a pasayan

Ni BRENDA S. DACPANO
www.nordis.net

Agbirbirokak ti tulingan idiay tiendaan ngem bangus, tilapia ken galunggong met laeng ti adda ken sumagmamano a sapsap. Nalabit a gapu kadagiti bagio ket bassit ti nagkalap iti taaw. Ngem adu ti lako a pasayan isu a napanunotko a gumatang kadagiti babassit nga aramiden a crunchy pulutan, malaksid a nalaklaka, P200 ti maysa a kilo kumpara iti dadakkel a pasayan a P400.

CRISPY BINARTEK A PASAYAN. Naiprito a babassit a pasayan a mabalin a pulutan wenno ipangan iti innapuy. Naimas nga isawsaw iti sukang Iloco a nalaokan iti tinadtad a lasona ken sili a sairo. Photo by Brenda S. Dacpano

Ramen

½ kilo pasayan a babassit
½ tasa tapuy
2 kutsarita asin
1 kutsarita paminta
½ tasa gawgaw/cornstarch
½ tasa arina
2 tasa mantika

Panangisagana

1. Bugguan ken paik-ikan dagiti pasayan. Iyuper iti tapuy wenno red wine iti 15-20 minutos. Paik-ikan.

2. Ikabil ti pasayan iti dakkel a malukong. Timplaan iti asin ken paminta.

3. Ilaok nga ikiwar ti gawgaw ken arina iti pasayan tapno nasarasang no maiprito.

4. Ipapudot ti mantika a pang-deep-fry. No napudoten, ipisok ti sanga-aklo a pasayan. Pagsisinaen dagiti pasayan tapno nasarangsang no maiprito. Iprito iti agarup maysa a minuto wenno agingga nasarangsang. Kiwaren wenno balikiden tapno patas ti pannakalutona. Adawen ken paik-ikan. Uliten agingga maiprito amin.

5. Idasar a kakuyog ti pagsiwsiwan a suka a nalaokan ti tinadtad a lasona. # nordis.net

Ramen

½ kilo pasayan a babassit
½ tasa tapuy
2 kutsarita asin
1 kutsarita paminta
½ tasa gawgaw/cornstarch
½ tasa arina
2 tasa mantika

Panangisagana

1. Bugguan ken paik-ikan dagiti pasayan. Iyuper iti tapuy wenno red wine iti 15-20 minutos. Paik-ikan.

2. Ikabil ti pasayan iti dakkel a malukong. Timplaan iti asin ken paminta.

3. Ilaok nga ikiwar ti gawgaw ken arina iti pasayan tapno nasarasang no maiprito.

4. Ipapudot ti mantika a pang-deep-fry. No napudoten, ipisok ti sanga-aklo a pasayan. Pagsisinaen dagiti pasayan tapno nasarangsang no maiprito. Iprito iti agarup maysa a minuto wenno agingga nasarangsang. Kiwaren wenno balikiden tapno patas ti pannakalutona. Adawen ken paik-ikan. Uliten agingga maiprito amin.

5. Idasar a kakuyog ti pagsiwsiwan a suka a nalaokan ti tinadtad a lasona. # nordis.net

Share

Leave a Reply