Makan a la Pinoy: Honey-miso ginger chicken

Manok ti inusarko ditoy a karne ngem mabalin nga usaren ditoy ti sirloin wenno tenderloin, porkloin wenno tofu.

HONEY-MISO-GINGER. Manok a nayuper iti miso, naiprito ken naparabawan iti nasarangsang a laya. Naidasar a napakuyogan iti bokchoy. Photo ni Noel Godinez

Ramen:

1 kilo barukong ti manok
3 kutsara miso (Japanese/Korean)
2 pulgada laya
2-3 kutsara mantika
3-4 kutsara diro
400 gramo bokchoy
¼ tasa red wine (optional)

Panangisagana:

1. Bugguan ti manok ken tegtegen iti agarup dua pulgada pakuadrado. Yuper daytoy iti tallo kutsara a miso iti 30 minutos agingga maysa nga oras.

2. Ukisan ken iw-iwaen ti laya iti paatiddog a naingpis a kasla iit.

3. Iti pariok, iprito ti laya agingga nasarangsang. Adawen ken ipaiigid pay.

4. Iti isu met laeng a pariok, iprito ti manok iti agarup uppat a minutos wenno agingga medio ag-brown, balikiden sagpaminsan. Patedtedan ti diro ken red wine (no agusar wenno danum/chicken broth). Iluto agingga nasileng ken napigket.

5. Gudduaen ti bokchoy ken bugguan. Ilambong daytoy iti danum a natimplaan iti sangapirit nga asin. Iluto iti maysa a minuto laeng tapno nasarangsang pay. Paik-ikan.

6. Iti bandehado, yap-ap ti nalambong a bokchoy ken iparabaw ditoy ti honey-miso chicken. Ipatedted ditoy ti sarsa a honey-miso ken iparabaw ti nasarangsang a laya.

7. Idasar a napudot.# nordis.net

Share

Leave a Reply