Makan a la Pinoy: Chicken-tofu sesame

Ni BRENDA S. DACPANO
www.nordis.net

Para kadagiti manglikliklik iti kolesterol, nasayaat daytoy nga alternatibo a protina. Imbes a karne ti baka wenno baboy ti usaren, agusar ti karne ti manok ken nayunan ti tofu wenno tokwa.

CHICKEN-TOFU SESAME. Barukong ti manok ken tofu a naigisa iti sesame oil. Photo nu Brenda S. Dacpano

Ramen:

½ kilo barukong ti manok, nategteg
1 bloke a tofu
2 bulong ti sibuyas, iwaen iti pino
4 ngipen a bawang
¼ tasa soy sauce
1 kutsarita paminta
1 tasa mantika
2 kutsara sesame oil
1 kutsara gawgaw a naikanaw iti
1 tasa danum
asin a pangtimpla
lengnga a nakirog
pechay

Panangisagana:

1. Bugguan ken tegtegen ti barukong ti manok, 1-2 pulgada kuadrado. Yuper daytoy iti soy sauce ken paminta iti 30 minutos.

2. Iw-iwaen ti tofu iti kas kadadakkel ti iwa ti manok. Iprito agingga ag-brown, paik-ikan ken ipaigid pay.

3. Igisa ti manok iti sesame oil ken bawang. Kiwaren. Iluto iti 10 minutos sakbay nga ipisok ti tofu. Pakapsuten ti apuyna.

4. Ilaok ti gawgaw a naikanaw iti danum. Kiwaren sagpaminsan. Nayunan ti bassit a danum no napalet unay ti sarsana.

5. Ilambong ti naiw-iwa a pechay iti bassit a danum a natimplaan iti sangapirit nga asin. Imbes a pechay, mabalin nga usaren ditoy ti uray ania a paboritoyo a bulbulong – bokchoy, wombok, tunsoy, balangeg, kdpy. Iluto nga apagkilnat. Adawen ken paik-ikan.

6. Yap-ap ti nakilnat a bulbulong iti pangiserbian a bandehado. Patedtedan ti sangakutsara a sesame oil. Ditoy nga iparabaw ti naluto a manok ken tofu.

7. Warakiwakan ti nakirog a lengnga ken naiw-iwa a bulong ti sibuyas.

8. Idasar a napudot. # nordis.net

Share

Leave a Reply