Makan a la Pinoy: Lomo pork ribs barbecue

Ni BRENDA S. DACPANO
www.nordis.net

Manon a daras a saanko a matsamtsambaan ti agdindinnamag pork ribs barbecue ti Canto restaurant iti Baguio.

Adda iti ngato, grilled chicken on buttered rice, iti baba, grilled lomo ribs in barbecue sauce and mashed potatoes. Photo by Brenda S. Dacpano

Ti Canto cuisine ket fusion ti American ken Filipino. Napinpintas ti puestoda itatta ta malaksid a nalawlawa, sarming ti intero nga aglawlaw kasla al fresko dining.

Napananmi idin ken ni lakay ti Canto idiay Ketchup Community food court idiay Pacdal ngem saankami a nakatugaw ta nagadu ti tao. Bassit laeng ngamin ti lugar da sadiay, mano laeng a lamisaan ti set-up. Iti maikadua a daras a napankami ket naibusen ti ribs barbecue-da. Nagkape kami laeng ken saankon malagip no ania pay ti inordermi. Ngem nadismayaak iti kape ta kasla namin-adun a naduman ken naipaburek.

Ita a kanito ket naramanakon ti kunkunada a lomo ribs barbecue. Naimas met nga agpayso ken ‘it melts in your mouth’ a kunada. Iti presio a P250, mabsogkan wenno mabalinmo pay a mangiranud iti kaduam ta adu met ti kaguddua nga slab nga order ken pakuyogna a green salad. Ti order a whole slab ket kanen ti dua wenno tallo a tao.

Naimas met ti grilled chicken a naparabawan ti garlic sauce ken adda met laeng pakuyogna a green salad. Sakto laeng ti pannakaluto ti barukong ti manok.

Overall, sulit ti pannangan idiay. Mairekomda a padasenyo. # nordis.net

Share

Leave a Reply