Panangibingay iti shelter assistance kalpasan ti Typhoop Lawin

Ni ACAD (PR)
www.nordis.net

TABUK CITY, Kalinga — Ti barangay Agbannawag ket masarakan iti daya a paset ti syudad ti Tabuk, Kalinga. Maysa kadagiti kadakkelan iti population a barangay. La-ok iti nagduduma a tribu ken ili dagiti agnanaed ditoy kas iti taga Mt. Province, Ilocano ken dagiti tribu ti Kalinga kas iti Butbut, Bangad iti Tinglayan, Tanglag iti Lubuagan. Maysa a problema iti lugar mi ket ti agkurkurang iti danum a mainom.

Nagrugi a nabukel dagiti sitio based a People’s Organization (PO) ti Mannalon ken sectoral kas iti Innabuyog idi umuna a paset ti dekada 2000 ken miembro daytoy iti Timpuyog dagiti Mannalon ti Kalinga (TMK) ken Innabuyog Kalinga. Naibangon ti Agbannawag Community Association for Development (ACAD) idi 2015 a sadino ket isu ti nagbalin a pang-barangay a tukad a People’s Organization.

Kadagiti naglabas a didigra kas iti typhoon Pepeng, Harurot inggana iti typhoon Lando nga agkasapulan dagiti biktima iti relief, kabilang dagiti sitio based a P.O’s mi iti Agbannawag a nag-benepisyo. Idi naudi a typhoon Lawin ket maysa ti barangay Agbannawag kadagiti nakaro a naapektaran isunga naipaayan kami iti Shelter assistance manipud iti CorDis-RDS babaen kadagiti staff da ken ti nai-miembroan mi a TMK. Sakbay a maited daytoy nga assistance ket nagna pay dagiti innadal kas iti disaster response reduction (DRR) ken ti disaster situation iti rehiyon a Kordilyera ken iti national ken trainings nu kasano agaramid iti natibker a balay.

Nausar daytoy nga assistance para kadagiti materyales a nang-repair kadagiti nadadaelan a pagtaengan. Paset iti naited a cash assistance ket napagnunumuan mi a nag-urnong a tapno maka-aramid/ma-addaan iti pang-komunidad a potable water pump/bombaan para mainom. Nganngani malpas daytoy iti agdama isunga namnamaen mi a dakkel a tulong daytoy ken mangpalag-an iti panagsakdo lalo dagiti ubbing ken inna. Maysa met laeng daytoy a pakakitaan iti urnos mi a nangi-manehar ken nangi-trabaho.

Salamat unay kadagitoy nga assistance ket ikagumaan mi a mangsustiner tapno agtultuloy iti kasta ket saan a maiyaw-awan. # nordis.net

Share
« «  Makan a la Pinoy: Coleslaw   |   CorDisRDS at thirty  » »

Leave a Reply