Makan a la Pinoy: Pinasenggawan nga ikan

Ni BRENDA S. DACPANO
www.nordis.net

Kamayatan a pasengngawan wenno pang-steam nga ikan ket dagitay puraw ti lasagna ken nalukneng kas ti lapu-lapu, tilapia ken pampano. Ti inusar ko ditoy ket siopao nga ikan. Saanko nga ammo no ania ti awagda iti lokal ngem siopao ti kuna dagiti aglaklako iti tiendaan Baguio.

Siopao fish sakbay nga isaang iti steamer. Photo ni Brenda S. Dacpano

Addaan laeng iti lima a ramen daytoy a resipe tapno simple ken nalaka nga iluto nangruna dagiti awan unay hiligna nga agluto.

Ramen:

2 pidaso nga ikan
1 pulgada a laya
sibuyas
Asin
Paminta

Panangisagana:

1. No gumatang iti ikan, pasiksikan ken padalusanen iti tiendera/tiendero tapno menusen iti trabaho. Saan nga iwaen tapno sibubukel ken napintas ti langana.

2. Ukisan ti laya ken iw-iwaen a paatiddog a kasla palito. Kasta met ti aramiden iti sibuyas.

3. Seksekan ti sibuyas ken laya ti tian ti ikan ngem mangibati ti iparabaw bayat a pasengngawan.

4. Sapsapuan ti asin ken paminta ti intero nga ikan. Ikabil ti ikan iti malukong ken parabawan iti laya ken sibuyas.

5. Pasengngawan iti 30 minutos wenno agingga maluto ti ikan.

6. Idasar nga adda siwsiwanna a patis wenno soy sauce a naperresan ti kalamansi wenno dalayap.# nordis.net

Share

Leave a Reply