Makan a la Pinoy: Ensalada a paria

Ni BRENDA S. DACPANO
www.nordis.net

Napait ngem nabaknang iti phytonutrients kas ti dietrary fiber, mineral, bitamina ken anti-oxidants. Maaw-awagan a plant insulin a mangpababa ti blood sugar lever iti type-2 diabetes.

Ensalada a paria ken pipino. Photo by Brenda S. Dacpano

Nabaknang daytoy iti Bitamina A, B (B-complex, B-3, B-5, B-6). Pangalaan ti minerals nga iron, zinc, potassium, manganese ken magnesium.

Adu a klase ti paria ngem ti mayat nga ensalada (kilawen) ket ‘tay dadakkel a maris nakusiaw a berde. Mabalin met a laokan iti tuna, tinuno wenno inlambong a barukong ti manok wenn itlog na maalat.

Ramen:

1 medium a paria
2 pipino
2 kamatis
1 sibuyas
1 bassit a lata a tuna (optional) wenno
2 itlog a nalabaga (optional)
asin wenno patis a pangtimpla
2 kutsara tubbog ti kalamansi
2 kutsara sesame oil wenno canola oil

Panangisagana:

1. Bugguan ken ikkaten ti bukel ti paria. Iw-iwaen iti naingpis.

2. Ukisan ti pipino ken karusen iti kutsara ti bukelna. Iw-iwaen iti naingpis a kas iti paria.

3. Iwaen ti naingpis ti sibuyas ket kamatis.

4. No agusar ti itlog, ukisan daytoy ken iwaen iti paatiddog. No agusar ti tuna, uray saanen a paik-ikan ti mantikana ta isun ti dressing ti salad. Uray saanen nga ilaok ti canola wenno sesame oil wenno kissayan bassit ti ilaok.

5. Paglaoken amin a ramen malaksid iti itlog. Kiwaren santo iparabaw ti itlog. # nordis.net

Share

Leave a Reply