Makan a la Pinoy: Adobo a baboy

Ni BRENDA S.DACPANO
www.nordis.net

Nalaka laeng ti panagluto ti adobo ngem nadumaduma a wagas ti mabalin a pamay-an manipud iti simple agingga iti nagarbo. Suka, asin/soy sauce, bawang ken paminta ti kangrunaan a ramen daytoy ngem mabalin ti agnayon ti dadduma pay nga spices tapno agbalin a bukodyo a signature adobo dish.

Pork adobo. Photo by Brenda S. Dacpano

Daytoy ti bersionko iti adobo a karne ti baboy.

Ramen:

1 kilo pork rib steak
2/3 tasa soy sauce
1/3 tasa suka
1 ulo ti bawang
1 kutsarita anis wenno
2 pidaso a bulong ti laurel
1 tasa pineapple chunks/tidbits
1 kutsara pamintang buo
1 kutsara asukar
2 kutsasra sesame oil
2 kutsara kinirog a sesame seeds
asin/patis a pangtimpla
1 tasa danum

Panangisagana:

1. Iyuper ti karne iti soy sauce, suka, tubbog ti piña, pinitpit a bawang iti agarup 30 minutos wenno agpatnag.

2. Iyalis ti nayuper a karne ken marinate iti kaserola. Inayon ti dadduma pay a ramen malaksid iti asukar, sesame seeds ken piña.

3. Pagbureken. Apaman a nagburek, pakapsuten ti apuyna. Iluto agingga nalukneng ti karne. Nayonan ti danum no saan pay a limmukneng ti karne. Timplaan iti asin/patis no kasapulan. Ilaok ti asukar ken piña.

4. Mabalinen no naluknengen ti karne ken dandani mamagaan ti digona.

5. Adawen ken parabawan iti kinirog a sesame seeds. # nordis.net

Share

Leave a Reply