Makan a la Pinoy: Spicy tofu

Ni BRENDA S. DACPANO
www.nordis.net

Ad’toy man ti maysa a luto ti tofu a modipikasion iti gagangay a pinirito a tofu nga insawsaw iti soy sauce. Maiprito met laeng ti tofu sakbay a mailambong iti nagasang a sarsa.

SPICY TOFU. Photo ni Brenda S. Dacpano

Ramen:

3-4 bloke a tofu, naiwa iti ½ pulgada
2 tasa mantika
1 kutsarita sesame oil
2 kutsara sesame seed, nakirog

Ramen ti sarsa:

1 kutsara soy sauce
1 kutsarita asin
1 kutsarita asukar
1 kutsara sili flakes
½ tasa danum

Panggisa:

2 ngipen a bawang, tinadtad
1 sibuyas, tinadtad
2 bulong ti sibuyas

Panangisagana:

1. Iprito ti tofu agingga ag-brown bassit, adawen ken paik-ikan.

2. Iti parehas a pariok, ikkaten ti mantika a nagprituan ti tofu ngem mangibati iti bassit a panggisa.

3. Igisa ti bawang, sibuyas ken bulong ti sibuyas (mangibati ti iparabaw kas dekorasion). Ilaok ditoy ti sarsa.

4. Ikabil ti naprito a tofu. Pagbureken iti nakapsut nga apuy ngem saan a liwayan a kiwaren. Patedtedad ti sesame oil. Adawen ken parabawan ti sesame seeds ken bulong ti sibuyas. # nordis.net

Share

Leave a Reply