Makan a la Pinoy: Chicken Afritada

Ni BRENDA S. DACPANO
www.nordis.net

Ti chicken afritada ket maysa kadagiti popular a luto a Pilipino. Nainnayad a maiyanger iti tomato sauce, tomato paste wenno fresko a kamatis aginggana napalet ti digo wenno sarsana.

CHICKEN AFRITADA. Photo by Brenda S. Dacpano

Mabalin nga aramiden a simple wenno malaokan iti bell pepper, hotdog, sausage wenno karne ti baboy. Simple nga afritada ti inusar iti recipe iti baba ngem imbes a luppo wenno paset a red meat ti manok ket white meat wenno chicken breast ti inusarko.

Ramen:

3/4 kilo manok, naiwa iti serving sizes
2 medium patatas
1 dakkel a carrot
1 lata (180 gramo) tomato paste wenno 1 tasa tomato sauce
1 tasa danum wenno chicken broth
2 bulong ti laurel (optional)
1 kutsara asukar a brown
2 ngipen a bawang, napitpit
1 sibuyas, naiwa iti naingpis
3 kutsara mantika
Asin ken paminta a pangtimpla

Panangisagana:

1. Tegtegen ti manok iti serving sizes.

2. Ukisan ket iwaen dagiti patatas ken carrot.

3. Iti pariok, igisa ti sibuyas ken bawang iti mantika. No naaragaagen (translucent) ti sibuyas, ipisok ti manok. Timplaan iti asin ken paminta. Ituloy nga igisa agingga ag-brown bassit ti manok.

4. Ilaok ti tomato paste wenno tomato sauce ken chicken broth/danum. Ikabil ti laurel (no agusar, bulong ti sage ti inusar ko ditoy). Apaman nga agburek, ipakapsot ti apuyna. Iluto iti agarup 15 minutos.

5. Ipisok ti patatas ken carrot. Pagbureken manen iti nakapsot nga apuy. Nayonan ti danumna no maatianen ken saan pay a limmukneng ti manok ken patatas.

6. Timplaan iti asukar ken nayonan ti asin ken paminta no kasapulan.

7. Idasar a napudot. # nordis.net

Share

Leave a Reply