Leadership training iti Bantik National High School

Ni CELSO LITAWEN JR.
www.nordis.net

BAGUIO CITY — Idi Hulyo 22, 2017 ket adda iti nairamid nga leadership training seminar (LTS) a tinabunuan ti 17 nga estudyante manipud grade 7 inggana grade 11 idiay Bantik National High School, Barangay Dalupirip, Munisipyo ti Itogon, babaen iti panagtinulong iti Cordillera Disaster Response and Development Services inc (CorDis RDS Inc.), maysa nga non-government organization (NGO) ken Billeg ken Urnos ti Agtutubo y Benguet (BUDAY), maysa nga organisasiyon dagiti kabataan iti probinsiya ti Benguet.

The participants of the leadership training held in Dalupirip, Itogon, Benguet pose for posterity’s sake. The training was sponsored by Cordillera Disaster Response and Development Services and Bileg ken Urnos ti Agtutubo y Benguet. Photo courtesy of Cordis

Gandat ti aktibidad nga pangatuen iti potential dagiti estudyante tapno iti kasta ket agbalin dan to a nalaing ken nasayaat a mangidadaulo. Nayon na, panggep na daytoy nga aktibidad nga ipakaawat ti pangkabuklan a kinapateg ti organisasiyon ken ipaamiris dagiti isyu nga agraraira a sagsagrapen dagiti kabataan a nailyan a minorya.

Kalaksidan ti panangidaulo a topiko ket nainayon metlang ti panangisuro ti usto a panagsao (public speaking) iti sangwanan ti publiko tapnu iti kasta ket mabukkel ti kompiyansa dagiti estudyante. Maysa ti panagsao a ramen ti nasirib a mangidadaulo.

Maysa a paset iti aktibidad, tunggal maysa ket napan nagsurat iti blackboard no anya kadi ti rumbeng a galad iti maysa nga mangidadaulo, adda nangisurat iti commanding, nalaing nga mangiguia, nagaget ken nasirib.

“Mayat ta adda iti kastoy nga aktibidad a nayon a pagadalan malaksid kadagiti masursuro iti iskwelaan, sapay kuma ta makaumay kayo sadiay ayan mi a lawiguen a mangiyarmid iti kastoy nga aktibidad” kinuna ni Noraine, maysa a studyante iti nasao nga ekwelaan. # nordis.net

Share

Leave a Reply