Martial Law Claims Update: Tarabay iti panangala ti claims

Ti SELDA — NORTHERN LUZON
www.nordis.net

Alaen dagiti kualipikado a claimants dagiti cash cards iti kaasidegan a branch ti Landbank iti pagnanaedanda nga inkabilda iti aplikasion.

Ited laeng ti Landbank ti cash card ti claimant no maipakita/maited ti claimant dagiti sumaganad: 1) Acknowledgment Receipt, inted ti claims board idi nagsubmitar ti aplikasion para iti reparasyon idi 2014 ken 2015; 2)  Notice of Resolution ken xerox copy daytoy; 3) Maysa a valid/government issued identification card (ID); 4) Maysa a 1×1 a ritrato a maidekket iti form ti Landbank

Segun iti regulasyon ti panagdeposito nga usar ti cash card, P100,000 laeng kada bulan ti mabalin a maideposito iti maysa a cash card. Ti sinno man a claimant ti makaawat ti nasurok P100,000 ket mabalinna a pilien a maideposito ti balanse ti parsial a pinansial a reparasyon babaen ti sumaganad: 1) Ikabil iti account babaen ti binulan a panagdeposito iti saan a lumabes iti P100,000 agingga makompleto ti kabuklan a gatad ti parsial a pinansial a reparasyon; wenno

2) Ti cash card ket madeposituan ti P100,000. Mabalin nga ideposito iti personal a savings account ti claimant iti Landbank (no adda) wenno mabalin a manglukat iti baro a saving account iti Landbank. Ti account number ket ited iti board iti kabiitan a panawen tapno maideposito ditoy ti sobra a gatad ti pinansial a reparasyon.

No natay ti biktima wenno representante ti pamilia a nagsubmitar ti aplikasion, agsubmitar ti death certificate ti aplikante ken dokumento a pammaneknek iti relasion ti isukat a representante ti pamilia ti biktima. Kasapulan met ti Special Power of Attorney ti dadduma pay a tagatawid ti natay a biktima/aplikante.

Para kadagiti kasukat wenno substitute claimants a kabilang iti 4,000

Segun iti Paunawa Bilang 5 ti claims board (Hunio 15, 2017), temporaryo a sinuspinde pay ti Landbank ti panangited iti cash cards. Dagiti immuna a 4,000 eligible claimants ket addaanen ti cash cards. Ti maapektaran ti suspension ket dagiti sumukat kadagiti claimants kas “substitute” (gapu ta natayen ti claimant). Tapno saan a mataktak ti panagited ti pinansial a a reparasyon kadagiti substitute wenno kasukat ti claimant, suhestiyon ti board  nga aglukatda ti personal a savings account nga addaan ATM iti Landbank.

Kasapulan nga ipakita iti Landbank dagiti sumaganad: 1) Masya a valid government ID;

2) Acknowledgment Receipt (inted ti claims board idi nagsubmitar ti aplikasion); 3. Dua a pidaso a 1×1 wenno 2×2 a ritrato. Dumawat ti kopia ti Savings Transaction Information-1 (STI-1) iti Landbank. Ipatulod iti HRVCB (secretariat@hrvclaimsboard.gov.ph) ti kopia ti STI-1 ken Acknowledgement Receipt babaen ti email. Daytoy ti usaren ti HRVCB tapno maideposito ti pinansial a reparasyon.

Nayon nga iskedyul ti claims/cash cards ken branch ti Landbank

Cordillera Region

HRVCB Series 1 No. 20, Hunio 13: Ilagan, German S. – Baguio Naguillian Road; Leones, Felipe C. – Bangued Taft Street

Region 1

HRVCB Series 1 No. 20, Hunio 13: Galleng, Magdalen A. – Laoag JP Rizal Street; Raval, Quirino A. – Laoag JP Rizal Street; Viernes, Alfredo S. – Laoag JP Rizal Street

Region 2

HRVCB Series 1 No. 20, Hunio 13: Pinaroc, Florentino Z. – Solano National Highway; Hunio 14: Patawan, Mary Jane P – Sanches Mira Nat’l Highway. # nordis.net

Share

Leave a Reply