Statements: Supiaten ti pannakadutok ni Ret. Gen. Roy Cimatu kas DENR secretary

Ti CORDILLERA PEOPLES ALLIANCE
www.nordis.net

Napinget a supsupiaten ti Cordillera Peoples Alliance ti pannakadutok ni sigud nga Armed Forces chief Roy Cimatu kas secretary ti Department of Environment and Natural Resources.

Sino ni Roy Cimatu, a baro a nadutukan kas environment secretary?

Inggana ita ket saan pay nasungbatan ken nawlawlawagan ti akusasyon kaniana a bimtak idi 2001 a senate hearing no sadinno ket naibutaktak ti P80-M kas “pabaon” a naawat kanu ni Gen. Cimatu manipud iti Provisions for Command-Directed Activities ng AFP chief-of-staff, nu sadinno a 10% porsiento lang ti mapmapan kadagiti kameng a soldados ti AFP.

Segun iti Karapatan ket isuna ti AFP Southern Command chief manipud September 14, 2001 to May 21 2002, idi mapasamak ti makuna a Basilan 72, dagitoy ket civilians a parbo a naakusaran kas Abu Sayyaf members, ken illegal a naaresto. Inggana ita ket kaaduan kadagitoy ket adda pay lang iti pagbaludan.

Aktibo daytoy kas AFP chief idi maitakder ti Investment defense force tapno ikkan seguridad dagiti kumpanya ti pagminasan.

Idi panawen ni Gen. Reyes kas DENR secretary agresibo ti panagserrek dagiti mining companies kadagiti komunidad ti nainsigudan nga umili, adu a pammapatay kadagiti lider ti komunidad a saan a makinkayat iti makadadael a panagminas, bakwit ken masaker. Iti kastoy a kapadasan iti maysa a nagapu iti military a mang iigem iti nasao a pwesto awan dua dua a mapasaran manen dagiti umili daytoy nu agtugaw ti maysa a heneral iti DENR.

Ipaganetget mi a saan koma a magapo iti military ti mang iggem iti posisyon ti DENR ta iti kapadasan ket militarisado dagiti komunidad nga ayan dagiti aplikasyon ken operasyon ti daddakkel a panagminas. Iti agdama ket isu ti mapaspasaran dagiti nainsigudan a komunidad dagiti nainsigudan nga umili manipud Minadanao, Visayas ken Luzon.

Imbes nga ipuwesto ni Pres. Duterte ti maysa a military iti DENR mas denggen na koma ti pukkaw ken dawat ti umili a pannakaisardeng ti militarisasyon ken panagpanaw dagiti militar iti komunidad dagiti nainsigudan nga umili. # nordis.net

Share

Leave a Reply