Makan a la Pinoy: Carrot oats peanut balls

NI NRENDA S.DACPANO
www.nordis.net

Para kadagiti mamati a suerte ti nagbubukel iti panangpasangbay iti baro a tawen, daytoy ti resipe a para kadakayo. Saanak a mamati kadagiti pammati ngem nagustuak daytoy ta saanen a kasapulan nga iluto.

CARROT OATS PEANUT BALLS. Photo by Brenda S. Dacpano
CARROT OATS PEANUT BALLS. Photo by Brenda S. Dacpano

Mayat nga aramiden a kaduayo dagiti ubbing, annak tapno naragsak ken kas panaglalangen a sangapamilia. Resipe daytoy ti maysa a gayyem ko a ni Becbec Anga-angan, taga-Cebu a nakaasawa iti Ilokano. Naayat isuna nga aglutluto ket daytoy met ti maibingay na itatta para iti baro a tawen.

Ramen:

2 tasa carrots, ginadgad
2 tasa oats
2-3 tasa peanut butter
1 kutsarita cinnamon powder

Panangisagana:

1. Paglaoken amin a ramen ken imasa agingga agtitepkel amin.

2. Mangala iti sangakutsara a masa ken iporma a kasla bola. Uliten daytoy agingga maaramid amin a bola.

3. Balkoten iti cellophane a de kolor wenno ikabil iti cup cake paper a babassit. # nordis.net

Share

Leave a Reply