Makan a la Pinoy: Berry-arak

Ni BRENDA S. DACPANO

Dagiti tedda nga arak ket mabalin nga usaren a pangaramid ti fruitcake. Ngem no kayat yo a simple laeng ti preparasyon aramiden met laeng a mainum. Adtoy dagiti wagas.


Photo by Brenda S. Dacpano

Blackberry brandy

1 tasa a blackberry
3/4 tasa nga asukar
3/4 kutsarita nga allspice
12 pidaso a cloves buds
2 tasa a brandy

Iti dakkel a garapon a makaluban, paglauken dagiti blackberry asukar ken spices. Ibukbok ditoy ti brandy, kaluban. Inaldaw a kulugen ti garapon agingga marunaw ti asukar, agarup uppat nga aldaw. Ipakni iti nalamiis ken nasipnget a lugar iti dua a bulan. Sagaten iti katcha sakbay nga inumen. Makaaramid ti agarup 3-1/2 a tasa.

Blueberry gin

1 litro a gin
1/4 kilo a blueberry
1/2 tasa nga asukar

Ipapudot bassit ti gin ngem saan a pagbureken. Ikabil iti garapon a makaluban. Ilaok dagiti blueberry. Bay-an a mauper iti maysa a lawas wenno makabulan sakbay nga inumen. #

Share

Leave a Reply

This site uses Akismet to reduce spam. Learn how your comment data is processed.